«Ийгиликтүү ишке орношуу» рубрикасы – Максат Суюнбаева

Максат кесиптик окуудан “Ашпозчу кондитер” курсун аяктап минималдуу инвестиция менен өзүнүн ишин ачты.

“Мен кесибим боюнча экономистмин, КУУтин бүткөм. Бирок кесибим боюнча иштей алган жокмун, 4 баламды карап үйдө отуруп калдым.

Бала чагыман эле эки нерсени жакшы көрчүмүн – сүрөт тартуу жана тамак жасоо. Жакшы көргөн нерсем менен киреше табууну айкалыштыруу максатында Бишкек шаардык иш менен камсыз кылууга көмөктөшүү башармалыгына кайрылдым. Ал жердеги адистер №91 кесиптик лицейине бекер окууга жолдомо беришти, ошону менен кондитердик жолум башталды. Азыркы учурда үйдөн имбир пряниктерин жасайм. Буйрутмалар келип турат. Ошону менен биргеликте инстаграммдан “Сладкая мечта” блогумду жүргүзөм”.