Ийгиликке карай жол

Бишкек шаарындагы Кесиптик багыт берүү борборунда ар кандай кесипте бийиктикке жеткен инсандар менен жолугушуулар байма-бай өткөрүлүп турат.

Кээ бир окуучулар өздөрүн абдан күчтүү мотивациялай алышат, ал эми башкалары сырттан жардамга муктаж. Мына ушул максатта Бишкек шаардык иш менен камсыз кылууга көмөктөшүү башкармалыгынын Кесиптик багыт берүү борбору белгилүү инсандар менен мотивация берүүчү жолугушууларды өткөрүп турат.

Бүгүн, белгилүү шоумен, бийчи, алып баруучу Бакыт Байсариев №68,27 мектептеринин 9-классынын окуучулары менен ийгиликтин формуласы менен бөлүштү.

Анын айтымында, өспүрүмдөр 3 нерсени билиши керек

1. Убакыт эң кымбат ресурс

2. Өзүңдүн өнүгүшүңө инвестиция кыл

3. Каалоо + аракет = ийгилик

Ошондой эле, максатты туура коюп, ага жетүү үчүн көп күч-аракет жумшоону сунуштады.

Бакыт жолугушууну эң сонун өткөрдү, анын сөзү мотивацияга жана оптимизмге бай болду.